2015 جىلعى 27 اقپان, استانا قالاسى
«كولىك قۇرالدارىنا جانە جولاۋشىلارعا قىزمەت كورسەتۋ
جونىندەگى وبەكتىلەرگە قويىلاتىن سانيتاريالىق-ەپيدەميولوگيالىق
تالاپتار» سانيتاريالىق قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 144-بابىنىڭ 6-تارماعىنا سايكەس بۇيىرامىن:
1. قوسا بەرىلىپ وتىرعان «كولىك قۇرالدارىنا جانە جولاۋشىلارعا قىزمەت كورسەتۋ جونىندەگى وبەكتىلەرگە قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارى بەكىتىلسىن.
2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىنا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ رەسمي ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ۇلتتىق ەكونوميكا ءمينيسترى ە.دوساەۆ.
«كەلىسىلگەن»
قازاقستان رەسپۋبليكاسىنىڭ دەنساۋلىق ساقتاۋ جانە
الەۋمەتتىك دامۋ ءمينيسترى ___________ ت.دۇيسەنوۆا
2015 جىلعى
«كەلىسىلگەن»
قازاقستان رەسپۋبليكاسىنىڭ ينۆەستيتسيالار جانە
دامۋ ءمينيسترى ___________ ءا.يسەكەشەۆ
2015 جىلعى 13 ناۋرىز
قازاقستان رەسپۋبليكاسى ۇلتتىق ەكونوميكا ءمينيستىرىنىڭ 2015 جىلعى
27 اقپانداعى №156 بۇيرىعىمەن بەكىتىلگەن
«كولىك قۇرالدارىنا جانە جولاۋشىلارعا قىزمەت كورسەتۋ جونىندەگى وبەكتىلەرگە قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارى
1. جالپى ەرەجەلەر
1. وسى «كولىك قۇرالدارىنا جانە جولاۋشىلارعا قىزمەت كورسەتۋ جونىندەگى وبەكتىلەرگە قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالار (بۇدان ءارى – سانيتاريالىق قاعيدالار) كولىك قۇرالدارىنا جانە جولاۋشىلارعا قىزمەت كورسەتۋ جونىندەگى وبەكتىلەرگە:
1) جوبالاۋ, جەر تاڭداۋ, سالۋ;
2) رەكونسترۋكتسيالاۋ, جوندەۋ, ىسكە قوسۋ جانە كۇتىپ-ۇستاۋ;
3) وندىرىستىك جانە تۇتىنۋ قالدىقتارىن جيناۋ, ايماقتاردى كۇتىپ-ۇستاۋ;
4) سۋمەن جابدىقتاۋدى, سۋ بۇرۋدى, جارىق بەرۋدى جانە جەلدەتۋدى (كونديتسيونەرلەۋدى) ۇيىمداستىرۋ;
5) قىزمەتكەرلەرگە ەڭبەك جاعدايىن جاساۋ, ادام دەنساۋلىعىنا زياندى اسەر ەتەتىن وندىرىستىك فاكتورلارمەن جۇمىسقا;
6) گيگيەنالىق وقىتۋ, مەديتسينالىق قامتاماسىز ەتۋ, قىزمەتكەرلەرگە ارنايى جانە ەمدىك-پروفيلاكتيكالىق تاماقتانۋ جانە تۇرمىستىق قىزمەت كورسەتۋ كەزىندە قويىلاتىن سانيتاريالىق-ەپيدەميولوگيالىق تالاپتاردى بەلگىلەيدى.
2. وسى سانيتاريالىق قاعيدالاردا مىناداي تەرميندەر جانە انىقتامالار پايدالانىلدى:
1) اۆياتسيالىق تەحنيكالىق بازا (بۇدان ءارى – اتب) – اۋە كەمەلەرىنە تەحنيكالىق قىزمەت كورسەتۋ, اعىمداعى جوندەۋ, كونسترۋكتسيالارىن, تەحنولوگيالىق جابدىعى مەن جاراعىن پىسىقتاۋ, ۇشۋ اقپاراتىن جيناۋ جانە ماعىناسىن اشۋ بويىنشا كەشەندى جۇمىستاردى ورىنداۋعا ارنالعان قۇرىلىستار, مەحانيكالىق جانە باسقا دا قۇرال-جابدىقتار كەشەنى;
2) انگار – كولىك قۇرالدارىن ساقتاۋعا, تەحنيكالىق قىزمەت كورسەتۋگە جانە جوندەۋگە ارنالعان قۇرىلىس;
3) اۆتوكولىك كاسىپورنى – اۆتوموبيل كولىكتەرىنە تەحنيكالىق قىزمەت كورسەتۋگە, ساقتاۋعا جانە جوندەۋگە ارنالعان قۇرىلىستار, ونىڭ ىشىندە جولاۋشىلار اۆتوبۋسى كەشەنىن قامتيتىن, اۆتوموبيل كولىگى ينفراقۇرىلىمىنىڭ ءبىر بولىگى;
4) اۆتوموبيل جانار ماي قۇيۋ ستانتسياسى – مۇناي ونىمدەرىن ساقتاۋدى جانە بولشەك ساۋدادا وتكىزۋدى قامتاماسىز ەتەتىن جابدىقپەن جاراقتالعان تەحنولوگيالىق قۇرىلىستار كەشەنى;
5) اۆتو-گاز قۇيۋ ستانتسياسى – سۇيىتىلعان گازدى ساقتاۋدى جانە بولشەك ساۋدادا وتكىزۋدى قامتاماسىز ەتەتىن جابدىقتارمەن جاراقتالعان تەحنولوگيالىق قۇرىلىستار كەشەنى;
6) اۆتوموبيل كولىك قۇرالدارىنا تەحنيكالىق قىزمەت كورسەتۋ جانە جوندەۋ ستانتسياسى (شەبەرحاناسى) – اۆتوكولىك قۇرالدارىنا تەحنيكالىق قىزمەت كورسەتۋگە جانە جوندەۋگە ارنالعان قۇرىلىستار كەشەنى;
7) اۆتوۆوكزال – جولاۋشىلار لەگى تاۋلىگىنە بەس جۇزدەن استام ادامدى قۇرايتىن اۆتوبۋستاردىڭ جولاۋشىلارى مەن جۇرگىزۋشىلەرىنە قىزمەت كورسەتۋگە ارنالعان قۇرىلىستار كەشەنى جانە قۇرامىندا: بيلەت كاسسالارى, سىيىمدىلىعى جەتپىس بەستەن جوعارى جولاۋشىلارعا ارنالعان كۇتۋ زالى بار كۇردەلى عيماراتتى, جۇرگىزىشىلەردى مەديتسينالىق تەكسەرىستەردەن وتكىزۋگە جانە العاشقى مەديتسينالىق-سانيتاريالىق كومەك كورسەتۋگە ارنالعان مەديتسينالىق پۋنكتەردى, ساقتاۋ كامەرالارىن, جولاۋشىلاردى ءتۇسىرۋ مەن وتىرعىزۋعا ارنالعان پەرروندى, اۆتوبۋستارعا ارنالعان تۇراقتاردى, اۆتوبۋستاردى تەكسەرىپ قاراۋعا ارنالعان بەكەتتەردى, ديسپەتچەرلىك پۋنكتەردى جانە انا مەن بالاعا ارنالعان بولمەنى قامتيتىن;
8) اۆتوستانتسيا – جولاۋشىلار لەگى تاۋلىگىنە كەمىندە بەس ءجۇز ادامدى قۇرايتىن اۆتوبۋستاردىڭ جولاۋشىلارى مەن جۇرگىزۋشىلەرىنە قىزمەت كورسەتۋگە ارنالعان, كەمىندە ەكى جارىم مىڭ شارشى مەتر اۋماقتا ورنالاسقان جانە قۇرامىندا: بيلەت كاسسالارى, سىيىمدىلىعى جەتپىس بەس ادامعا دەيىنگى جولاۋشىلارعا ارنالعان كۇتۋ زالى بار كۇردەلى عيماراتتى, ساقتاۋ كامەرالارىن, جولاۋشىلاردى ءتۇسىرۋ مەن وتىرعىزۋعا ارنالعان پەرروندى, اۆتوبۋستار تۇراقتارىنا ارنالعان, الاڭدى ديسپەتچەرلىك پۋنكتتەردى قامتيتىن قۇرىلىستار كەشەنى;
9) اۋىلشارۋاشىلىق اۋەايلاعى – اۆياتسيالىق-حيميالىق جۇمىستاردى ورىندايتىن ارنالعان ازاماتتىق اۆياتسيا اۋە كەمەلەرىنىڭ ۇشۋىن قامتاماسىز ەتۋگە ارنالعان اۋەايلىعى;
10) اۆياتسيالىق-حيميالىق جۇمىستار (بۇدان ءارى – احج) – اۋىلشارۋاشىلىعى, ورمان جانە باسقا دا القاپتاردا ازاماتتىق اۆياتسيا پەستيتسيدتەر مەن تىڭايتقىشتاردى قولدانا وتىرىپ اتقاراتىن جۇمىستار;
11) اۋەۆوكزالى – اۋەجايلاردا اۋە كولىگى جولاۋشىلارىنا قىزمەت كورسەتۋگە ارنالعان قۇرىلىستار مەن عيماراتتار كەشەنى;
12) اۋەجاي – اۋە كەمەلەرىن قابىلداۋعا جانە جونەلتۋگە, اۋە تاسىمالدارىنا قىزمەت كورسەتۋگە ارنالعان جانە وسى ماقساتتار ءۇشىن اۋەايلىق, اۋەۆوكزالى, باسقا دا قۇرىلىستارى, سونداي-اق قاجەتتى جابدىقتارى بار قۇرىلىستار كەشەنى;
13) بلاستچيللەر – ءونىمدى مۇزداتاتىن قارقىندى سالقىنداتۋ اپپاراتى;
14) بورتتىق تاعام – اۋە كەمەلەرىنىڭ اۆياجولاۋشىلارى مەن ەكيپاجىنا ارنالعان, ۇشۋ كەزىندە اۋە كەمەسىنىڭ بورتىندا بەرىلەتىن تاماق;
15) بورتتىق تاماقتاندىرۋ وبەكتىسى – بورتتىق تاعامدى ءوندىرۋ, قايتا وڭدەۋ, وتكىزۋ جانە ۇيىمداستىرۋ بويىنشا قوعامدىق تاماقتانۋ وبەكتىسى;
16) بورتتىق تاعام راتسيونى – اۋە كولىگى بورتىندا ءبىر ادامنىڭ تاماقتانۋىنا ارنالعان تاماق ونىمدەرىنىڭ جيىنتىعى;
17) ۆاگون جانە لوكوموتيۆ دەپوسى, لوكوموتيۆ-جوندەۋ جانە ۆاگون-جوندەۋ زاۋىتتارى – ۆاگونداردى, لوكوموتيۆتەردى جوسپارلى جانە كۇردەلى جوندەۋگە, ۆاگون, لوكوموتيۆ توراپتارى مەن بولشەكتەرىن جوندەۋگە جانە جيناقتاۋعا ارنالعان وندىرىستىك عيماراتتار مەن قۇرىلىستار, تەمىر جولدار كەشەنى;
18) ديسپەتچەرلەر – كولىك قۇرالدارىنىڭ قوزعالىسىن جەدەل باقىلاۋ جانە باسقارۋ ورتالىعىنىڭ (پۋنكتىنىڭ) وپەراتورلارى;
19) ديسپەتچەرلىك ورتالىق (پۋنكت) – قاجەتتى جابدىعى بار ديسپەتچەرلەردىڭ جۇمىس ورىندارىن ورنالاستىرۋعا ارنالعان عيمارات ء(ۇي-جاي);
20) دەفروستەر – ونىمدەردى ەرىتۋگە ارنالعان جابدىق;
21) داستارحان ازىرلەۋ بولىمشەسى – بورتتىق تاعام وبەكتىسىندەگى بورتتىق تاعامدى جيناقتاۋعا جانە ازىرلەۋگە ارنالعان ۋچاسكە;
22) دەگازاتسيالىق الاڭ – اۆياتسيالىق حيميالىق جۇمىستار بىتكەننەن كەيىن اۋە كەمەلەرىن دەگەزاتسيالاۋ جانە پەستيتسيدتەردەن تازارتۋعا ارنالعان الاڭ;
23) جابىق ۆاگونداردى دايىندايتىن كەشەندى پۋنكت – ازىق-ت ۇلىكتەردى, شارۋاشىلىق, قاتتى اسەر ەتەتىن حيميالىق زاتتاردى جانە سۋسىمالى قاۋىپتى جۇكتەردى تاسىمالداعاننان كەيىن جابىق ۆاگونداردى تازالاۋعا, جۋعا جانە دەزينفەكتسيالىق وڭدەۋگە ارنالعان وبەكت;
24) جولاۋشىلار ۆاگوندارىنا تەحنيكالىق قىزمەت كورسەتۋ, اعىمدىق جوندەۋ جانە جابدىقتاۋ پۋنكتى – جولاۋشىلار ۆاگوندارىنىڭ جارامدىلىعىن, اعىمدىق جوندەۋدى قامتاماسىز ەتەتىن جانە جىلجىمالى قۇرامدى تەكسەرۋگە, تىركەمەدەن اجىراتپاي اعىمدىق جوندەۋگە جانە تاسىمالداۋعا دايىنداۋعا, جابدىقتاۋعا ارنالعان تەمىر جول كولىگىنىڭ بولىمشەسى;
25) جول ماشينا ستانتسياسى – جولدى ورتاشا جانە كۇردەلى جوندەۋدى جۇزەگە اسىرۋعا ارنالعان تەمىرجول كولىگىنىڭ قۇرىلىمدىق بولىمشەسى;
26) جول ديستانتسياسى – تەمىرجولداردا اعىمدىق كۇتىپ-ۇستاۋ, جوندەۋ جانە قالپىنا كەلتىرۋ جۇمىستارىن جۇزەگە اسىراتىن تەمىرجول كولىگىنىڭ قۇرىلىمدىق بولىمشەسى;
27) جولاۋشىلار عيماراتى – تەمىرجول كولىگى تاسىمالى بويىنشا تۇرعىندارعا قىزمەت كورسەتۋگە ارنالعان ءۇي-جايلار, قۇرىلىستار كەشەنى (جولاۋشىلار پلاتفورمالارى جانە ۆوكزال وتپەلەرىن قوسا العاندا) جانە باسقادا م ۇلىك تۇرلەرى;
28) جۇمىس ايماعى – تۇراقتى نەمەسە ۋاقىتشا جۇمىس ورنى ورنالاسقان الاڭنىڭ نەمەسە ەدەننىڭ دەڭگەيىنەن بيىكتىگى ەكى مەترگە (بۇدان ءارى – م) دەيىنگى كەڭىستىك;
29) كولىك – قازاقستان رەسپۋبليكاسىنىڭ اۋماعىندا تىركەلگەن تەمىرجول, اۆتوموبيل, ىشكى سۋ, اۋە كولىگى;
30) كولىك قۇرالدارى (اۆتوموبيل, اۋە, سۋ, تەمىرجول) مەن جولاۋشىلارعا قىزمەت كورسەتۋ وبەكتىلەرى (بۇدان ءارى – كولىك وبەكتىلەرى) – كولىك قۇرالدارىنا تەحنيكالىق قىزمەت كورسەتۋگە, جوندەۋگە جانە جاراقتاندىرۋعا, سونداي-اق جولاۋشىلارعا, باگاجعا, جۇك-باگاجعا, جۇكتەرگە جانە پوشتا جونەلتىلىمدەرىنە قىزمەت كورسەتۋگە ارنالعان كولىكتىڭ جىلجىمايتىن م ۇلىك قۇرىلىسى نەمەسە قۇرىلىستار كەشەنى;
31) كاسالەتكا – تاماقتى پورتسيالاۋعا ارنالعان ارنايى ىدىس (فولگادان, شىنىدان, فارفوردان جاسالعان);
32) قالىپقا كەلتىرۋ پويىزى – رەلستەردىڭ جولدان شىعۋىنان جانە جىلجىمالى قۇرامنىڭ سوقتىعىسۋىنان بولعان زارداپتاردى جويۋعا, سونداي-اق اپاتتى جاعدايلاردا كومەك كورسەتۋگە ارنالعان پويىز;
33) وزەن پورتى – جەر ۋچاسكەسى مەن ىشكى سۋ جولدارى اكۆاتورياسىندا ورنالاسقان, جولاۋشىلار مەن كەمەلەرگە قىزمەت كورسەتۋ, جۇكتەردى تيەۋ, ءتۇسىرۋ, قابىلداۋ, ساقتاۋ جانە بەرۋ, وزگە كولىك تۇرلەرىمەن ءوزارا ارەكەت ەتۋ ماقساتىندا قۇرىلعان جانە جابدىقتالعان قۇرىلىستار (وزەن ۆوكزالىن, پاۆيلوندى قوسا العاندا) كەشەنى;
34) وندىرىستىك جۇك تيەۋ كەشەندەرى – شاڭداعىش جۇكتەردى تيەۋگە, تۇسىرۋگە, قابىلداۋعا, ساقتاۋعا, بەرۋگە جانە قايتا وڭدەۋگە ارنالعان قۇرىلىستار كەشەنى;
35) وندىرىستىك وبەكتى – ادام دەنساۋلىعىنا جانە ءومىر ءسۇرۋ ورتاسىنا اسەر ەتۋ كوزى بولىپ تابىلاتىن پروتسەستەردى, قوندىرعىلار مەن تەحنولوگيالاردى پايدالانۋ ارقىلى جۇزەگە اسىرىلاتىن, جۇمىس جاساۋمەن جانە قىزمەت كورسەتۋمەن, ازىق-ت ۇلىك وندىرۋمەن اينالىساتىن شارۋاشىلىق قىزمەت وبەكتىسى;
36) پورتسيالاۋ – دايىن ونىمدەردى پورتسياعا ءبولىپ وراۋ;
37) پەستيتسيدتەر – زياندى اعزالارمەن كۇرەسۋ ءۇشىن قولدانىلاتىن حيميالىق زاتتار. پەستيتسيدتەردى مىناداي توپتاعى زاتتار بىرىكتىرەدى: ارامشوپتەردى جوياتىن – گەربيتسيدتەر, زيانكەس-ناسەكومداردى جوياتىن - ينسەكتيتسيدتەر, پاتوگەندى ساڭىراۋقۇلاقتاردى جوياتىن – فۋنگيتسيدتەر, جىلىقاندى زياندى جانۋارلاردى جوياتىن – زووتسيدتەر جانە باسقالار;
38) سانيتاريالىق-كارانتيندىك تۇيىق – كارانتيندىك نەمەسە اسا قاۋىپتى ينفەكتسيالىق اۋرۋمەن اۋىراتىن ناۋقاسپەن بايلانىستا بولعان جولاۋشىلارى بار ۆاگوندى وقشاۋلاۋعا جانە قويۋعا ارنالعان تەمىرجول توسەمىندەگى ۋچاسكە;
39) سانيتاريالىق كيىم – شيكىزاتتى, قوسالقى ماتەريالدار مەن دايىن ءونىمدى مەحانيكالىق بولشەكتەر مەن ميكروورگانيزمدەرمەن لاستانۋدان قورعاۋعا ارنالعان قىزمەتكەرلەردىڭ كيىم جيىنتىعى;
40) سانيتاريالىق-ەپيدەميولوگيالىق قورىتىندى – جۇمىستىڭ نەمەسە قىزمەتتىڭ, ازىق-ت ۇلىكتىڭ, شارۋاشىلىقتىڭ نەمەسە باسقا قىزمەتتىڭ, ءومىر ءسۇرۋ فاكتورلارىنىڭ, جوبالىق قۇجاتتاردىڭ گيگيەنالىق نورماتيۆتەرمەن سانيتاريالىق قاعيدالارعا سايكەستىگىن (سايكەسسىزدىگىن) ناقتىلايتىن قۇجات;
41) تەمىرجول ۆوكزالى – تۇرعىنداردى تەمىرجول كولىگىمەن تاسىمالداۋ جانە باگاجدى, جۇك-باگاجدى قابىلداۋ-بەرۋ بويىنشا قىزمەت كورسەتۋگە ارنالعان عيماراتتار, قۇرىلىستار (جولاۋشى پلاتفورمالارىن جانە ۆوكزال وتپەلەرىن قوسا العاندا) جانە باسقا دا م ۇلىك تۇرلەرىنىڭ كەشەنى;
42) توڭازىتقىش ەلەمەنت – ىشىنە سۋ تولتىرىلعان, تۇمشالانعان جابىق سىيىمدىلىقتاعى سالقىنداتقىش ەلەمەنت, ول پايدالانۋ الدىندا مۇزداتىلادى جانە كونتەينەردە 0 گرادۋس تسەلسيدەن +8 گرادۋس تسەلسيگە (بۇدان ءارى – °س) دەيىنگى تەمپەراتۋرا شەگىندە ۇستاپ تۇرادى;
43) تەڭىز پورتى –, كەمەلەرگە, جولاۋشىلار مەن باگاجعا قىزمەت كورسەتۋگە جانە جۇكتەرمەن جۇرگىزىلەتىن وپەراتسيالاردى جۇزەگە اسىرۋعا ارنالعان جەر ۋچاسكەلەرىندە ورنالاسقان (تەڭىز ۆوكزالىن قوسا العاندا) قۇرىلىستار كەشەنى;
44) تيەۋ الاڭى – اۋە كەمەلەرىنە پەستيتسيدتەر تيەۋ الاڭى.
3. ەپيدەميالىق ماڭىزى بار كولىك وبەكتىلەرىن جوبالاۋ, رەكونسترۋكتسيالاۋعا جانە پايدالانۋعا حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگان ۆەدومستۆاسىنىڭ بەرىلگەن سانيتاريالىق-ەپيدەميولوگيالىق قورىتىندىسى بولعان جاعدايدا جول بەرىلەدى.
4. كولىك سوبەكتىلەرىنىڭ باسشىلارى دەزينفەكتسيالىق, دەزينسەكتسيالىق, دەراتيزاتسيالىق ءىس-شارالار جۇرگىزۋدى قامتاماسىز ەتەدى.
5. كولىك وبەكتىلەرىنىڭ قىزمەتكەرلەرى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 155-بابىنىڭ 4-تارماعىنا سايكەس حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگانمەن بەكىتىلەتىن سانيتاريالىق-ەپيدەميولوگيالىق نورمالاۋ قۇجاتتارىنا سايكەس مىندەتتى مەديتسينالىق تەكسەرىپ-قاراۋدان وتەدى.
6. جۇمىس بەرۋشى وسى سانيتاريالىق قاعيدالار تالاپتارىنا سايكەس كەلەتىن ەڭبەك جاعدايىنىڭ ۇنەمى ساقتالۋىن قامتاماسىز ەتەدى.
7. كولىك وبەكتىلەرىنىڭ وندىرىستىك ءۇي-جايلارى مەن جۇمىس ورىندارى دارىگەرگە دەيىنگى كومەك كورسەتۋگە قاجەتتى ءدارى-دارمەكتەرمەن جيىنتىقتالعان مەديتسينالىق قوبديشامەن قامتاماسىز ەتىلەدى.
8. قىزمەتكەرلەردىڭ دەكرەتتەلگەن توپتارىندا مەديتسينالىق تەكسەرىستەن وتكەنى جانە جۇمىسقا رۇقسات بەرىلگەن تۋرالى بەلگىمەن بەلگىلەنگەن ۇلگىدەگى جەكە مەديتسينالىق كىتاپشالارى بولادى.
2. كولىك قۇرالدارى مەن جولاۋشىلارعا قىزمەت كورسەتۋ جونىندەگى
وبەكتىلەرگە قويىلاتىن سانيتاريالىق-ەپيدەميولوگيالىق تالاپتار
9. جوبالاناتىن, رەكونسترۋكتسيالاناتىن, سالىنىپ جاتقان جانە پايدالاناتىن وبەكتىلەرگە, سونداي-اق ىقتيمال قاۋىپتى جانە (نەمەسە) حالىقتىڭ دەنساۋلىعى ءۇشىن ماڭىزى بار باسقا وبەكتىلەرگە حالىقتىڭ سالاماتتىلىعى سالاسىنداعى مەملەكەتتىك ورگان ۆەدومستۆاسىنىڭ اۋماقتىق بولىمشەلەرىنىڭ تەكسەرۋلەرى, وزگە دە باقىلاۋ نىساندارى ناتيجەلەرى جانە سانيتاريالىق-ەپيدەميولوگيالىق ساراپتاماسى نەگىزىندە سانيتاريالىق-ەپيدەميولوگيالىق قورىتىندى بەرىلەدى.
10. كولىك وبەكتىلەرىنىڭ اۋماعى سەليتەبتى جانە رەكرەاتسيالى ايماقتاردىڭ ىق جاعىنا ورنالاستىرىلادى.
11. كولىك وبەكتىلەرى ورتالىقتاندىرىلعان سۋىق جانە ىستىق سۋ جۇيەسىمەن قامتاماسىز ەتىلەدى.
ورتالىقتاندىرىلعىن سۋ قۇبىرىن نەمەسە سۋمەن جابدىقتاۋدىڭ باسقا كوزدەرىن قوسۋ مۇمكىن بولماعان جاعدايدا سىرتتان اكەلەتىن سۋ پايدالانىلادى. سۋ سانيتاريالىق-ەپيدەميولوگيالىق قورىتىندىسى بار كولىكتەرمەن جەتكىزىلەدى.
12. شارۋاشىلىق-اۋىز سۋ مۇقتاجدىقتارىنا ارنالعان سۋ «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 144-بابىنىڭ 6-تارماعىنا سايكەس حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگانمەن بەكىتىلەتىن نورمالاۋ قۇجاتتارىنا (بۇدان ءارى – نورمالاۋ قۇجاتتارى) سايكەس بولۋى ءتيىس.
13. كولىك وبەكتىلەرىن ورتالىقتاندىرىلعان ىستىق سۋمەن جابدىقتاۋ جۇيەسىنە قوسۋ مۇمكىندىگى بولماعان جاعدايدا, جەرگىلىكتى سۋ ىسىتۋ جۇيەسىنىڭ جابدىعى كوزدەلەدى.
14. شارۋاشىلىق-اۋىز سۋ جانە وندىرىستىك سۋمەن جابدىقتاۋ جۇيەلەرى بولەك كوزدەلەدى.
15. كەرەك-جاراق پۋنكتىندە سۋ قۇبىرىنىڭ جەلىسى ۇستاتقىشتارمەن (اجىراتۋ جانە جوندەۋ جۇمىسىن جۇرگىزۋ ءۇشىن) جالعاستىرىلعان كەمىندە نەگىزگى ەكى ماگيسترالى بار اينالمالى جۇيە تۇرىندە كوزدەلەدى.
16. كەرەك-جاراق پۋنكتتەرىندە, تەمىرجول جول ارالىقتارىندا ورنالاسقان سۋ تاراتۋ كولونكالارى (بۇدان ءارى – سۋ تاراتۋ كولونكالارى), شارۋاشىلىق-اۋىز سۋمەن قامتاماسىز ەتۋ بويىنشا تەڭىز جانە وزەن جاعالاۋى قوندىرعىلارى (بۇدان ءارى – جاعالاۋ قوندىرعىلارى) سۋدى بۇرۋ جۇيەسىنە سۋدىڭ اعىسى ءۇشىن ەڭىسى بار بەتون سۋ اعاتىن جول ورناتىلادى, مۇز قاتۋدان, درەناجدان قورعانىش قۇرىلعىلارى بار.
17. سۋ تاراتۋ كولونكالارى مەن جاعالاۋ قوندىرعىلارى سۋ قۇيۋ شلانگىسى باسىنىڭ لاستانۋىن بولدىرمايتىن قۇرىلعىلارمەن جابدىقتالادى. ۆاگوندارعا, سۋ كولىگىنە سۋ قۇيۋ اياقتالعان سوڭ, سۋ قۇيۋ شلانگىلەرىندە قالعان سۋ توگىلەدى.
سۋ تولتىرۋ شلانگىلەرىنىڭ باسىن جەرگە سۇيرەتىپ تاسىمالداۋعا جول بەرىلمەيدى.
18. كولىك وبەكتىلەرى ورتالىقتاندىرىلعان سۋ بۇرۋ جۇيەسىنە قوسىلادى, ال ول بولماعان جاعدايدا جەرگىلىكتى سۋ بۇرۋ جۇيەسى كوزدەلەدى. كارىزى جوق كولىك وبەكتىلەرىندە اۋلا اجەتحانالارى سۋ وتكىزبەيتىن شۇڭقىردان جاسالىپ, عيماراتتان 25 م جاقىن ەمەس ارا-قاشىقتىقتا ورناتىلادى.
قازىلعان ششۇڭقىرلار, سەپتيكتەر كولەمىنىڭ ۇشتەن ەكى بولىگىنەن اسىرىلماي تولعاننان كەيىن ۋاقتىلى تازارتىلىپ, دەزينفەكتسيالانادى. جەرگىلىكتى تازارتۋ قۇرىلعىلارى ءوندىرۋشىنىڭ تەحنيكالىق قۇجاتتاماسى نەگىزىندە جابدىقتالادى.
19. كولىك وبەكتىلەرىنىڭ اككۋمۋلياتور تسەحىندا (بولىمشەسىندە) سارقىندى سۋلاردى جانە پايدالانىلعان ەلەكتروليتتى تازالاۋ جانە بەيتاراپتاندىرۋ ءۇشىن سۋ بۇرۋدىڭ بولەك جۇيەسى جابدىقتالادى.
ساقتاۋ جانە جۇمىس بولمەسى بولەك سورىپ تارتۋ جانە شىعارۋ جەلدەتكىشى بار عيماراتتىڭ ءبىرىنشى قاباتىندا ورنالاسۋى قاجەت. بولمەنى ىشكى ارلەندىرۋ اگرەسسيالىق زاتتارعا ءتوزىمدى ماتەريالدان جاسالادى.
ىلعالدى رەجيمدە جۇمىس جاسالاتىن بولمەنىڭ قابىرعالارى بۇكىل بيىكتىگى بويىنشا جۋعىش جانە دەزينفەكتسيالىق زاتتارمەن جۋىلاتىن ىلعالعا ءتوزىمدى ماتەريالدان جاسالادى.
20. جابىق ۆاگونداردى دايىندايتىن كەشەندى پۋنكتتە سارقىندى سۋلار مەحانيكالىق تازارتۋدان, تۇندىرىلعاننان, زالالسىزداندىرىلعاننان, سونداي-اق بەيتاراپتاندىرىلعاننان كەيىن سۋ بۇرۋ جۇيەسىنە شىعارىلادى.
21. كولىك وبەكتىلەرىندە وندىرىستىك, جەرۇستى جاۋىن-شاشىن اعىستارىن, سارقىندى سۋلاردى قابىلداۋدى قامتاماسىز ەتەتىن سۋ بۇرۋ جۇيەسى كوزدەلەدى.
22. كولىك وبەكتىلەرىندە نورمالاۋ قۇجاتتارىنا سايكەس تابيعي جانە جاساندى جارىقتاندىرۋ كوزدەلەدى.
قولدانىلعان ليۋمينيستسەنتتى شامدار, قۇرامىندا سىنابى بار قۇرالدار مەن جابدىقتار ساقتاۋ جانە تاسىمالداۋ كەزىندە ولاردىڭ تۇتاستىعىنىڭ بۇزىلۋىن بولدىرمايتىن, تىعىز جابىلاتىن ىدىستاردا تاسىمالدانىپ, ساقتالادى.
سىنابى بار قۇرالداردى ساقتايتىن ءۇي-جايلارىندا تەمپەراتۋرا +18 °س جوعارى بولماۋى ءتيىس, باقىلاۋ ءۇشىن تەرمومەترلەر ورناتىلادى.
23. كولىك وبەكتىلەرىندە +18 °س-تان +24 °س-قا دەيىنگى تەمپەراتۋرا پارامەترىن, 50-60% (بۇدان ءارى – %) اۋانىڭ سالىستىرمالى ىلعالدىلىعىن قامتاماسىز ەتەتىن تابيعي جانە جاساندى جەلدەتۋ, جىلىتۋ, اۋا باپتاۋ جۇيەلەرى كوزدەلەدى.
24. كولىك وبەكتىلەرىندەگى اككۋمۋلياتور بولىمشەسىنىڭ ءۇي-جايلارىنداعى تەمپەراتۋرا +15 °س-تان +20 °س-قا دەيىن بولىپ كوزدەلەدى.
25. كولىك وبەكتىلەرىنىڭ سىرتقى كىرۋ جانە شىعۋ ەسىكتەرى اۋا-جىلۋ پەردەلەرىمەن جابدىقتالادى.
26. حيميالىق زياندى زاتتار مەن شاڭ-توزاڭ شىعارۋ مەن ىلەسەتىن تەحنولوگيالىق جابدىعى مەن پروتسەستەرى بار كولىك وبەكتىلەرىنىڭ ءۇي-جايلارى جەرگىلىكتى سورۋ جەلدەتكىشىنىڭ قۇرىلعىلارىمەن (جەرگىلىكتى سورۋ) جابدىقتالادى.
27. اۋاعا زياندى حيميالىق زاتتار مەن ىلعال شىعارۋ كوزى بولىپ تابىلاتىن جابدىقتاردا (باكتار, ۆاننالار) جابىق قۇيۋ كوزدەلەدى.
28. شۋ جانە ءدىرىل كوزدەرى بار كولىك وبەكتىلەرىنىڭ ءۇي-جايلارى (تسەحتار, ۋچاسكەلەر) باسقا وندىرىستىك ءۇي-جايلاردان الشاق ورنالاستىرىلادى.
قىس مەرزىمىندە دىرىلدىك قاۋىپتى ايماقتاردا تەمپەراتۋرا رەتتەگىشى بار جەرگىلىكتى جىلىتۋ قۇرالدارى ورناتىلادى.
ءدىرىلى بار جابدىقپەن جۇمىس جىلۋى بار بولمەلەردە (اۋا تەمپەراتۋراسى 16 °س, ىلعالدىلىعى 40-60 % جانە اۋا جىلجۋ جىلدامدىعى 0,3 م/س) جۇرگىزىلەدى.
دەمالۋ بولمەلەرىندە اۋا جىلجۋ جىلدامدىعى 1-2 م/س بولاتىن قولدى جىلى اۋامەن (25-28 °س) جەرگىلىكتى جىلىتاتىن قۇرال ورناتىلۋى قاجەت.
29. جۇمىس ورىندارىندا ءدىرىل تۋدىراتىن جابدىق بولەك ىرگەتاستارعا نەمەسە ءدىرىلدى وقشاۋلاعىشى ء(دىرىلدى باساتىن توسەنىشتەر مەن كىلەمشەلەر) بار ۇستاپ تۇراتىن كونسترۋكتسيالاردا ورناتىلادى.
30. دەپو تسەحتارىنداعى رەلس جولدارى تىعىز ءدىرىلدى شەكتەۋشى نەگىزگە سالىنادى. ديزەل-گەنەراتورىنىڭ قابىرعالىق سىناقتارى باسقا ءۇي-جايلاردان جانە پەرسونال ورنالاستىرىلعان باسقارۋ پۋلتىنەن دىبىستىق شەكتەلگەن بولەك ءۇي-جايلاردا جاسالادى.
31. كولىك وبەكتىلەرىندە شۋدىڭ, ءدىرىلدىڭ, ينفرادىبىستىڭ دەڭگەيى نورمالاۋ قۇجاتتارىنا سايكەس قامتاماسىز ەتىلەدى.
32. كولىك وبەكتىلەرىندە تەحنيكالىق پەرسونال, سونداي-اق جوندەۋ, قالپىنا كەلتىرۋ, تيەۋ-ءتۇسىرۋ, سىرلاۋ جۇمىستارىمەن, تەحنيكالىق قىزمەت كورسەتۋمەن, تازالاۋمەن, جۋمەن, دەزينفەكتسيالاۋمەن اينالىساتىن قىزمەتكەرلەر ءۇشىن:
1) ارنايى جانە جەكە كيىمدەردى بولەك ساقتاۋعا ارنالعان شكافتارى بار كيىم ىلەتىن ورىن;
2) ارنايى كيىمدى كەپتىرۋگە ارنالعان ءۇي-جايلاردى, جىلىنۋ بولمەسىن جانە قىسقا ۋاقىت دەمالاتىن بولمە;
3) سەبەزگى بولمەسى;
4) سانيتاريالىق توراپتار;
5) تاماق ىشەتىن بولمەنى قامتيتىن سانيتاريالىق-تۇرمىستىق ءۇي-جايلار قاراستىرىلادى.
بارلىق تەمىرجول ارالىعى جۇمىسكەرلەرى ءۇشىن دەمالۋ مەن جىلىنۋعا ارنالعان بولمەلەر قاراستىرۋ قاجەت.
بولمەنىڭ اۋدانى بريگاداداعى ءبىر جۇمىسكەرگە ەسەپتەگەندە كەمىندە 0,3 شارشى مەتردەن (بۇدان ءارى – م2) ەسەپپەن الىنادى.
ارالىقتا جۇمىس ىستەيتىن جۇمىسكەرلەرگە جاز مەزگىلىندە اۋىز سۋ بوشكەلەردە اشىق اۋادا ورناتۋعا رۇقسات ەتىلەدى. كورسەتىلگەن بوشكەلەردى باستىرما استىنا جەردەن بيىك ورنالاستىرۋ قاجەت.
33. قىسقا ۋاقىت دەمالاتىن ورىندار مەن جىلىنۋعا ارنالعان ءۇي-جايلاردى تاماقتى ىسىتۋعا ارنالعان جابدىقپەن جانە توڭازىتقىشپەن, ىدىس-اياققا ارنالعان شكافپەن جابدىقتالعان تاماقتانۋعا ارنالعان ءۇي-جايلارمەن بىرىكتىرۋگە جول بەرىلەدى.
لوكوماتيۆتى بريگادا, جول قىزمەتى, ەلەكتروفيكاتسيا, سيگناليزاتسيا, بايلانىس جانە باسقا كولىك وبەكتىلەرى قىزمەتىندەگى جۇمىسكەرلەر ىستىق تاعاممەن قامتاماسىز ەتىلگەن جاعدايدا تەرموستار بەرۋدى قاراستىرۋ قاجەت.
بۇل رەتتە, تاماقتاناتىن جەردە ۇستەل, ورىندىقتار, قولجۋعىشتار, تاماقتى جىلىتۋعا قاجەت گاز پەشتەرى (جىلجىمالى باللونمەن) ورناتىلادى.
34. سەبەزگى بولمەلەرى سالقىن جانە ىستىق سۋ كەلىپ تۇراتىن كابينالارمەن جابدىقتالادى.
35. كولىك وبەكتىلەرى ىستىق جانە سالقىن سۋ كەلىپ تۇراتىن راكوۆينالار, قول جۋعا ارنالعان زاتتار, ءبىر رەت قولدانىلاتىن سۇلگى نەمەسە ەلەكتر سۇلگى قاراستىرىلعان سانيتاريالىق توراپتارمەن جابدىقتالادى.
36. كولىك وبەكتىلەرىندە, ونىڭ ىشىندە وندىرىستىك جانە سانيتاريالىق-تۇرمىستىق ءۇي-جايلاردا فۋنكتسيونالدىق ماقساتى بويىنشا پايدالانىلاتىن جيناۋ مۇكاممالىن جۋعا, كەپتىرۋگە, ساقتاۋعا ارنالعان ءۇي-جاي (ورىن) بولىنەدى. سەبەزگى بولمەلەرى سالقىن جانە ىستىق سۋ كەلىپ تۇراتىن كابينالارمەن جابدىقتالادى. قابىرعالارى مەن توبەلەرى ىلعالدى جۋ مەن دەزينفەكتسياعا ءتوزىمدى ماتەريالدان جاسالادى.
37. ارنايى كيىمدى جانە ارنايى اياق كيىمدى كەپتىرۋ جىلىتىلعان جانە ىلعال اۋانى سوراتىن قۇرىلعىلارمەن جابدىقتالعان كيىم ىلەتىن شكافتاردا رۇقسات ەتىلەدى.
وندىرىستىك ۇدەرىسى زياندى زاتتار بولۋمەن بايلانىستى قىزمەت جۇمىسكەرلەرىنىڭ (اككۋمۋلياتورشىلار, اپپاراتشىلار, سىرلاۋشىلار, تەمىر قۇيۋشىلار جانە باسقا) كيىم ىلەتىن شكافتارى جاساندى جەلدەتۋمەن جاراقتالادى.
38. ارنايى كيىمدى زالالسىزداندىرۋعا جانە شاڭسىزداندىرۋ ءۇشىن بولەك ءۇي-جايلار كوزدەلەدى.
39. نەعۇرلىم سانى كوپ اۋىسىمدا جۇمىس ىستەيتىن ادامداردىڭ ىشىندە ايەلدەر سانى 15-تەن اساتىن بولسا, ايەلدەردىڭ جەكە گيگيەناسىنا ارنالعان ءۇي-جاي كوزدەلەدى.
40. ايەلدەر سانى 15-تەن از بولعاندا تۇرمىستىق ءۇي-جايلار جانىنداعى ايەلدەر دارەتحاناسىندا ورنالاستىرىلعان گيگيەنالىق سەبەزگىسى بار ارنايى كابينا ورناتۋعا رۇقسات ەتىلەدى.
41. تۇرمىستىق جانە وندىرىستىك قاتتى قالدىقتاردى (بۇدان ءارى – تقق) جيناۋ ءۇشىن 1,5 م بيىكتىكتە ءۇش جاقتان قورشالعان, بەتوندالعان نەمەسە اسفالتتالعان الاڭدا ورناتىلعان كونتەينەرلەر پايدالانىلادى. كونتەينەرلەر كولىك وبەكتىلەرىنىڭ اكىمشىلىك, وندىرىستىك جانە قوسالقى ءۇي-جايلارىنان كەمىندە 25 م جانە 100 م اسپايتىن قاشىقتىقتا ورنالاستىرىلادى. تقق كولىك وبەكتىلەرى اۋماعىنان كۇن سايىن جانە كونتەينەرلەردىڭ تولۋ شاماسىنا قاراي شىعارىلادى, ال وندىرىستىك قالدىقتار وبەكتىدە نەمەسە ارنايى ۇيىمدارمەن شىعارىلىپ, كومىلەدى نەمەسە جويىلادى. قۇرامىندا ۋىتتى زاتتارى بار تقق كولىك وبەكتىلەرىندە جيناقتاۋعا رۇقسات ەتىلمەيدى.
42. باسقارۋىندا جولاۋشىلار مەن كولىك وبەكتىلەرىنە قىزمەت كورسەتۋ جونىندەگى جەكە جانە زاڭدى تۇلعالار سانيتاريالىق-قورعاۋ ايماعىنىڭ شەكاراسىنداعى اتموسفەرالىق جانە جۇمىس ايماعىنىڭ اۋاسىنداعى فيزيكالىق فاكتور دەڭگەيى مەن زياندى زاتتاردىڭ مولشەرىنە, بورتتىق تاماقتانۋ تسەحتارىنداعى ونىمدەردىڭ جانە شارۋاشىلىق اۋىز-سۋىنىڭ ساپاسى مەن قاۋىپسىزدىگىن باقىلاۋ ءۇشىن وندىرىستىك باقىلاۋدىڭ جۇرگىزىلۋىن قامتاماسىز ەتەدى.
43. قۇرىلىس پەن جوندەۋ جۇمىستارى وندىرىستەرىندە ۋاقىتشا جىلىناتىن جانە دەمالۋ ورىندارى, اتموسفەرالىق جاۋىن-شاشىن مەن كۇن رادياتسياسىنان قورعايتىن جينالمالى بولمەلەر, قالقا, شاتىر, جەلدەن قورعايتىن قورشاۋلار جانە باسقا قاراستىرىلۋى قاجەت.
ەلدى مەكەندەردەن تىس ورنالاسقان ۋچاسكەلەردە اۋلا اجەتحانالارىن ورناتۋعا رۇقسات ەتىلەدى. جول ايىرۋ بەكەتتەرىندە سۋ بۇرۋ جەلىسى بولماعان جاعدايدا, شۇڭقىرى بەتوندالعان اۋلا اجەتحاناسىن ورناتۋعا رۇقسات ەتىلەدى.
3. لوكوماتيۆ جانە ۆاگون دەپوسىن, لوكوموتيۆ جانە ۆاگون-جوندەۋ زاۋىتتارىن كۇتىپ-ۇستاۋعا
جانە پايدالانۋعا قويىلاتىن سانيتاريالىق-ەپيدەميولوگيالىق تالاپتار
44. لوكوموتيۆ جانە ۆاگون دەپوسىنىڭ, لوكوموتيۆتىك جانە ۆاگون- جوندەۋ زاۋىتتارىنىڭ اۋماعى وندىرىستىك, اكىمشىلىك, قويمالىق ۋچاسكەلەرگە بولىنەدى. دەپولار جانە زاۋىتتاردا «شۋلى» جانە ءدىرىلدى وپەراتسيالار جۇمىستى ورىنداۋدا شۋى از مەحانيكالاندىرىلعان وپەراتسيالارعا اۋىستىرىلادى, سونداي-اق دىبىس سىڭىرگىش جانە وقشاۋلاعىش ماتەريالدار قولدانىلادى. ۆاگونداردى جانە جارتى ۆاگونداردى دەپولىق جوندەۋ تسەحتارىندا ولاردى قولدان ازىرلەۋ كەزىندە جەكە ەلەمەنتتەردى اۋىستىرۋدى, تىرەۋىشتەردى اجىراتۋ جانە ودان ءارى قوندىرۋ بويىنشا وپەراتسيالار جاڭعىرتۋ ارقىلى شۋدى تومەندەتۋ قاجەت.
45. تسيستەرنانىڭ اۆتوماتتى جەلىلەرىندە اۋاتاراتقىشتاردان سىعىلعان اۋا شىعاتىن جەرلەردە رەاكتيۆتى باسەڭدەتكىشتى پايدالانۋدى جۇزەگە اسىرۋ قاجەت. تەمىر سوعۋ-قۇيۋ تسەحتارىندا وتىن, سىعىلعان اۋا نەمەسە بۋ شىققان كەزدە قىزدىرۋ پەشىندە قىسىمى تومەن فورسۋنكالار (قىسىمى جوعارى فورسۋنكانىڭ ورنىنا) قولدانىلۋى قاجەت. قول پنەۆماتيكالىق قۇرالدارىن (تەگىستەيتىن ماشينا, گايكوۆەرت جانە باسقا) قولدانعان كەزدە مىندەتتى تۇردە شۋ دەڭگەيىن تومەندەتەتىن سەريامەن شىعارىلاتىن باسەڭدەتكىشتەر قولدانۋ مىندەتتى, سونىمەن قاتار مەرزىمدى پاسپورتيزاتسيالاۋ جانە ۋاقتىلى جوندەۋدەن وتكىزىلەدى.
46. دەپو جانە جوندەۋ زاۋىتتارىنداعى تسەحتاردا شۋلى اگرەگاتتاردى قامتيتىن ستانوكتار مەن ارنايى كامەرالار سىرتىنان قاپتالادى. ءدىرىلى بار مەحانيزمدەر, قاپتامالار, قۇبىرلار ارنايى جاپسىرمالارمەن نەمەسە جالپاق ماتەريالمەن (كيىز, اسبەست, رەزەڭكە جانە باسقا) قاپتالادى.
ماشينالاردا, تەحنولوگيالىق جابدىقتاردا, قول قۇرالدارىمەن ءدىرىل قاۋىپى بار كاسىپتە جۇمىس ىستەيتىندەر جانە ءدىرىل اسەر ەتەتىن جۇمىسكەرلەردى ءار التى اي سايىن اعزاعا ءدىرىل اسەر ەتۋمەن بايلانىسى جوق باسقا جۇمىستا پايدالانۋ ۇسىنىلادى.
47. وندىرىستىك پروتسەسى مول جىلۋ شىعارۋمەن بايلانىستى جەكە ساناتتاعى جۇمىسكەرلەر ءۇشىن (تەمىر ۇستالارى, ىستىق مەتالدى وڭدەيتىن رەسسورشىلار, وت جاعۋشىلار جانە باسقا) جۇمىسكەرلەردىڭ سالقىنداۋى ءۇشىن ارنالعان قۇرىلعىلار مەن بولمەلەر – جارتىلاي سەبەزگىلەر مەن قول ۆاننالارى جابدىقتالادى. شپالداردى وڭدەۋمەن اينالىساتىن جەكە ساناتتاعى جۇمىسكەرلەر (ستانوچنيكتەر) ءۇشىن ارنايى اياق-كيىمدى جۋعا ارنالعان قۇرىلعىلار ورناتىلادى.
48. ۆاگونداردى, لوكوماتيۆتەردى تازارتۋ, جۋ, قۇرعاتۋ جۋىلاتىن بولىمشەلەردە نەمەسە جەكە عيماراتتا جۇرگىزىلەدى.
49. جۋاتىن ماشينالار نەمەسە اپپاراتتار جەلدەتۋ جۇيەسىمەن جانە تازارتۋ, سارقىندى سۋلاردى بۇرۋ مەن قايتا قولدانۋ, قوقىستى مەحانيكالىق تازارتۋ قۇرىلعىلارىمەن جابدىقتالادى. بايقاۋ ارىقتارى ەدەنى مايلانعان ماي مەن مۇناي ونىمدەرىنەن ۇنەمى تازارتىلادى.
بايقاۋ ارىقتارىنىڭ ەدەنى مايدان تازارتۋعا ىڭعايلى بولۋ ءۇشىن تازارتۋعا جەڭىل بولاتىن ماتەريالمەن قاپتالادى. سۋ بۇرۋ 3 گرادۋستان (بۇدان كەيىن - °) كەم ەمەس ەڭىستە اشىق استاۋ بويىمەن جۇرگىزىلەدى. ءجۇرۋ بولىكتەرى سىلتىمەن جۋىلادى. وسى ماقساتقا جابىق كامەرادا جۋعىش ماشينالار, ەلەكترماشينالار مەن ەلەكتراپپاراتتارى ءۇشىن ۇرلەيتىن كامەرالار قاراستىرىلادى.
50. جىلجىمالى قۇرامنىڭ جوندەۋگە الىنعان بارلىق اگرەگاتتارى مەن بولشەكتەرى كىر مەن مايدان تازارتىلادى. وسى ماقساتقا تىعىز جابىلعان كامەرادا جۋعىش ماشينالار, ەلەكترماشينالار مەن ەلەكتراپپاراتتار ءۇشىن ۇرلەيتىن كامەرالار قاراستىرىلادى.
سارقىندى سۋلاردى بۇرۋ تازارتۋ قۇرىلعىلارى ارقىلى كارىزگە قاراي كوزدەلەدى. توگىلگەن ەلەكتروليتتەر (قىشقىل, ءسىلتى) بەيتاراپتاندىرىلادى.
ەلەكترپوەزدار, دوڭگەلەكتەر جانە اربالاردى جۋاتىن ماشينالار, سونداي-اق بولشەكتەردى جۋاتىن ماشينالاردان توگىلەتىن سارقىندى سۋلاردى, اككۋمۋلياتورلار ەلەكتروليتتەرىن تازارتۋسىز جانە بەيتاراپتاندىرۋسىز سۋ بۇرۋعا قوسۋعا رۇقسات ەتىلمەيدى.
51. اككۋمۋلياتورلىق بولىمشەلەر وقشاۋ بولمەدە ورنالاستىرىلادى. اككۋمۋلياتورلاردى جوندەۋ مەن زاريادتاۋعا ارنالعان بولمەلەردىڭ ەدەنى مەن قابىرعاسى ەدەننەن 2 م بيىكتىكتە قىشقىل-سىلتىگە ءتوزىمدى جابىنمەن قاپتالعان, ەدەندە – سۋ بۇرۋ جۇيەسىنە ەڭىس بولۋ كەرەك.
قىشقىلدى جانە ءسىلتىلى اككۋمۋلياتورلاردى جوندەۋگە ارنالعان وندىرىستىك بولمەلەر بولەك جالپى اينالىمدى مەحانيكالىق جەلدەتۋمەن, پايدالانىلعان ەلەكتروليتتەردى توگەتىن جانە مىرىشتان بولشەكتەردى بالقىتىپ دانەكەرلەيتىن ورىندار – جەرگىلىكتى سورعىشتارمەن جابدىقتالادى.
52. زاريادتايتىن, جۋىپ-بولشەكتەيتىن جانە جيناقتايتىن بولمەلەردە ەدەندى شلانگىدان, سۋ اعىسىمەن جۋعا قاجەت جيناعىش تراپ قوندىرۋ قاجەت. اككۋمۋلياتورلىق بولىمشەلەردى جىلىتۋ ءۇشىن اشىق پەشتەردى, ەلەكتر پەشتەردى جانە ەلەكتر پليتالاردى قولدانۋعا رۇقسات ەتىلمەيدى.
53. قىشقىلداردى ساقتاۋ جانە ەلەكتروليتتەردى دايىنداۋ ءۇشىن بولەك سورۋ-شىعارۋ جەلدەتكىشى بار بولمە بولىنەدى. قىشقىلدى قۇيۋ جەكە قورعاۋ قۇرالدارىمەن تەحنولوگيالىق قۇرىلعىلارمەن جۇرگىزىلەدى.
اككۋمۋلياتورلىق بولىمشەلەردە ارنايى ورىنداردا قىشقىلدار مەن سىلتىلەرمەن زاقىمدانعان جاعدايدا دارىگەرگە دەيىنگى كومەك كورسەتۋ قۇرالدارى ساقتالادى.
54. نەگىزگى جۇمىس ورىندارىندا جاساندى جارىقتاندىرۋ, كوزبەن كورۋ جۇمىستارىنىڭ سيپاتىنا بايلانىستى:
1) دالدىگى از جۇمىس ءۇشىن (سلەسار-جوندەۋشىلەر, سلەسار-سانتەحنيكتەر, اككۋمۋلياتورشىلار, سوعۋشىلار) – 100-دەن 200 ليۋكسكە دەيىن (بۇدان ءارى – لك);
2) دالدىگى ورتاشا جۇمىس ءۇشىن (اعاش ۇستاسى-جونۋشىلار, اعاش ۇستالارى, فرەزەروۆششيكتەر, باقىلاۋ-ولشەۋ قۇرىلعىلارىنىڭ سلەسارلارى, راديومەحانيكتەر) 150 – دەن 300 لك دەيىن قۇرايدى.
نەگىزگى جۇمىس ورىندارىندا تابيعي جارىقتاندىرۋ كوەففيتسيەنتى:
1) جوعارعىدان جانە بۇيىردەن جارىق ءتۇسىرۋ كەزىندە 3-تەن 4% دەيىن;
2) بۇيىردەن جارىق تۇسىرگەندى 0,8-دەن 1,2% دەيىن قۇرايدى.
4. جولاۋشىلار ۆاگوندارىنا تەحنيكالىق قىزمەت كورسەتۋ, اعىمداعى جوندەۋ جانە جابدىقتاۋ پۋنكتتەرىن كۇتىپ-ۇستاۋ مەن پايدالانۋعا قويىلاتىن سانيتاريالىق-ەپيدەميولوگيالىق تالاپتار
55. جولاۋشىلار ۆاگوندارىنا تەحنيكالىق قىزمەت كورسەتۋ, اعىمداعى جوندەۋ, جابدىقتاۋ پۋنكتتەرىنىڭ اۋماعىندا مىناداي ۋچاسكەلەر كوزدەلەدى:
1) ۆاگونداردى تازالاۋ جانە سىرتىن جۋ; 2) ۆاگونداردى دەزينفەكتسيالىق وڭدەۋ;
3) ۆاگونداردى تۇراقتا ۇستاۋ, جوندەۋ, ءىشىن جيناۋ; 4) ۆاگونداردى مۇكاممالمەن جابدىقتاۋ,
وتىنمەن جابدىقتاۋ جانە سۋ قۇيۋ.
56. كەرەك-جاراق پۋنكتىندە ۆاگون جۋعىش ماشينالار كوزدەلەدى جانە جابدىقتالادى. ۆاگوندار, ۆاگون جۋ ماشينالارى جىل بويى جۋدى قامتاماسىز ەتۋ ءۇشىن جىلۋ پەردەلەرى مەن كالوريفەرلەرى بار (جىلدىڭ سالقىن مەزگىلىندە ۆاگونداردى كەپتىرۋ ءۇشىن) جابىق ءۇي-جايدا ورناتىلادى. ۆاگون جۋ ماشيناسىنىڭ جۇمىس جابىق تسيكلدى. جولاۋشىلار قۇرامدارىن جۋ ءۇشىن قايتا پايدالانۋ الدىندا اينالىم سۋى جەرگىلىكتى تازالاۋ قۇرىلىستارىندا مۇناي قالدىقتارىنان, زياندى زاتتاردان تازارتىلادى جانە زالالسىزداندىرىلادى.
57. جولاۋشىلار ۆاگوندارىن جۋ مەن دەزينفەكتسيالاۋ قۇرالدارىن قولدانا وتىرىپ, جىلدىڭ قىس مەزگىلىندە جۋ جابىق تيپتەگى جۋ ورنىندا, ال جاز مەزگىلىندە – سۋ كەلىپ تۇراتىن الاڭدا جۇرگىزىلەدى.
58. جۋ جانە دەزينفەكتسيالاۋ قۇرالدارىنىڭ قورى بولەك ءۇي-جايدا ساقتالادى.
59. كەرەك-جاراق پۋنكتىندە جولاۋشىلار ۆاگوندارىن ساپارعا دايىنداۋ كەزىندە:
1) پايدالانىلعان توسەك جابدىقتارىن قابىلداۋ;
2) جۇمساق مۇكاممالدى اۋىستىرۋ كەستەسى بويىنشا قابىلداۋ;
3) توسەك جابدىقتارىمەن جابدىقتاۋ, ونى جيناقتاۋ;
4) سەرۆيستىك قىزمەت زاتتارىمەن جابدىقتاۋ;
5) جۋ جانە دەزينفەكتسيالاۋ قۇرالدارىمەن, جيناۋ مۇكاممالىمەن جابدىقتاۋ جۇزەگە اسىرىلادى.
60. كەرەك-جاراق پۋنكتىندە ستەللاجدارمەن نەمەسە شكافتارمەن جابدىقتالعان توسەك جابدىقتارىن, توسەك كەرەك-جاراقتارىن, المالى-سالمالى جۇمساق مۇكاممالدى قابىلداۋعا, ساقتاۋعا جانە بەرۋگە ارنالعان بولەك ءۇي-جايلار كوزدەلەدى.
بۇل رەتتە, تازا جانە توسەك-جايمالار ارالاستىرماي جانە جاناستىرماي, تەحنولوگيالىق پروتسەستىڭ اعىمدىلىعىن ساقتاۋ قامتاماسىز ەتىلەدى.
تازا جانە كىر كيىم-كەشەكتەردى تاسىمالداۋعا ارنالعان اربالار نەمەسە از مەحانيكالاندىرۋ قۇرالدارى تاڭبالانادى.
61. تازا جانە ۇتىكتەلگەن توسەك جابدىقتارىن جيناقتاۋ كەزىندە پاكەتكە توسەك-جايمانى جيناقتاۋ مەرزىمى, اۋىسىمى كورسەتىلگەن زاتتاڭبا سالىنادى.
62. سەرۆيستىك قىزمەت كورسەتۋ ءونىمى بولەك ءۇي-جايدا ساقتالادى.
63. رەيسكە جۇرەتىن جولاۋشى ۆاگوندارىنا وتىن قاپتالعان تۇردە ارنايى كولىكپەن جەتكىزىلەدى جانە جابدىقتاۋ بريگاداسى جۇمىسكەرلەرى جاشىكتەرگە جينايدى.
64. كەرەك-جاراق پۋنكتىندە توسەك جايمالاردى, توسەك جابدىقتارىن, ستەللاجدار نەمەسە شكافتار جابدىقتالعان المالى-سالمالى جۇمساق مۇككامالداردى قابىلداۋ, ساقتاۋ جانە بەرۋگە ارنالعان بولمە, ۆاگونداردىڭ اككۋمۋلياتور باتارەياسىن جانە تۇرۋ كەزىندە توڭازىتقىش قوندىرعىلارىن زاريادتاۋ ءۇشىن قاۋىپسىز ەلەكترمەن زاريادتاۋ قۇرىلعىلارى قاراستىرىلادى.
65. ۆاگون جۋاتىن ماشينا بولماعان جاعدايدا جۋ قاۋىپسىزدىك ەرەجەسىن ساقتالعان جولاۋشىلار ۆاگوندارىنىڭ سىرتىن جانە ارنايى كيىم قولدانىلعان جاعدايدا قولمەن جۋىلادى. جۋ ارنايى بولىنگەن ورىندا جۇرگىزىلەدى. سارقىندى سۋدى تازارتۋ مەن اعىزۋ تۇندىرعىشتا جۇرگىزىلەدى.
5. جابىق ۆاگونداردى دايىندايتىن كەشەندى پۋنكتتى كۇتىپ-ۇستاۋعا جانە پايدالانۋعا
قويىلاتىن سانيتاريالىق-ەپيدەميولوگيالىق تالاپتار
66. جابىق ۆاگونداردى دايىندايتىن كەشەندى پۋنكتتىڭ (بۇدان ءارى − ۆدكپ) قۇرامىندا:
1) جۇكتەردىڭ قالدىقتارىن تۇسىرۋگە جانە ۆاگونداردى وڭدەۋگە ارنالعان ۋچاسكەلەر;
2) ۆاگون جۋ ماشينالارىنا ارنالعان ءۇي-جاي;
3) ۆاگونداردىڭ سىرتىن جۋعا ارنالعان انگارلار, ۆاگونداردى جوندەۋگە ارنالعان تسەح;
4) ۆاگونداردى وڭدەۋمەن اينالىساتىن جۇمىسكەرلەرگە ارنالعان سانيتاريالىق وتكىزۋ ورنى كوزدەلەدى.
67. ۆاگونداردى تاسىمالداۋعا دايىنداۋ كەزىندە تاسىمالدانعان جۇكتىڭ تۇرىنە بايلانىستى ۆدكپ-دا:
1) تەكسەرۋ; 3) كۋزوۆتىڭ ىشكى بەتتەرىن جۋ;
2) ۆاگونداردى جۇكتىڭ قالدىقتارىنان تازارتۋ; 4) ۆاگونداردى كەپتىرۋ جۇرگىزىلەدى رەتىمەن جۇرگىزىلەدى.
68. قاۋىپتى جۇكتەر تاسىمالداعاننان كەيىن ۆاگونداردى وڭدەۋ ۋچاسكەسىندە قاۋىپتى جۇكتەردىڭ قالدىقتارىن جيناۋعا, سارقىندى جانە جۋىندى سۋلاردى زالالسىزداندىرۋعا ارنالعان الاڭ, جەكەلەگەن سۋ بۇرۋ بولادى.
6. جول ماشينا ستانتسياسىن, قالپىنا كەلتىرۋ پويىزىن كۇتىپ-ۇستاۋعا جانە
پايدالانۋعا قويىلاتىن سانيتاريالىق-ەپيدەميولوگيالىق تالاپتار
69. جول ماشينا ستانتسياسىن, قالپىنا كەلتىرۋ پويىزىنىڭ ۆاگونىندا جاتىن كۋپە, سەبەزگى بولمەسى, كيىم ىلەتىن ورىن, ارنايى كيىمدى كەپتىرۋگە ارنالعان ءۇي-جاي, تاماقتانۋعا ارنالعان بولىك كوزدەلەدى.
70. تاماقتانۋ بولىگىندە:
1) ىدىس-اياققا ارنالعان شكاف; 4) توڭازىتقىش جابدىق;
2) ىستىق جانە سالقىن سۋ كەلىپ تۇراتىن راكوۆينا; 5) اس ءۇي-اسحانا مۇكاممالى كوزدەلەدى.
3) سۋدى قايناتۋعا ارنالعان قوندىرعى;
71. جول ماشينا ستانتسياسىنىڭ, قالپىنا كەلتىرۋ پويىزىنىڭ قۇرامىندا ستەللاجدارمەن جابدىقتالعان تاماق ونىمدەرى قورىن ساقتاۋعا ارنالعان ۆاگون كوزدەلەدى.
72. قالپىنا كەلتىرۋ پوەزدارىنىڭ جۇمىس ايماعىنىڭ اۋاسىنا زياندى زاتتاردى بولەتىن ستاتسيونارلى وندىرىستىك بولمەلەرى, سونداي-اق جىلجىمالى ەلەكتروستانتسياسىن ورنالاستىرۋعا ارنالىپ قايتا جابدىقتالعان ۆاگون, تراكتورلارعا, تارتقىشتارعا ارنالعان ۆاگون-قويما, بۋلدوزەرلەرگە, سورىپ تارتاتىن جانە سورىپ شىعاراتىن جەلدەتكىش جۇيەلەرىمەن جابدىقتالادى.
73. قالپىنا كەلتىرۋ پوەزدارىندا زاۋىتتىق, تيپتىك كەرەك-جاراقتارمەن (كۋپە, جۇمىس ايماعى) كوزدەلى, توسەك-جابدىقتارمەن, ازىق-ت ۇلىك قورىمەن, جۋ جانە زالالسىزداندىرۋ قۇرالدارىمەن جابدىقتالادى.
7. كولىك وبەكتىلەرىنىڭ ديسپەتچەرلىك ورتالىعىن (پۋنكتىن) كۇتىپ-ۇستاۋعا جانە
پايدالانۋعا قويىلاتىن سانيتاريالىق-ەپيدەميولوگيالىق تالاپتار
74. كولىك وبەكتىلەرىنىڭ ديسپەتچەرلىك ورتالىعىنىڭ (پۋنكتىنىڭ) (بۇدان ءارى – ورتالىق) ءۇي-جايلارىن جەرتولە ءۇي-جايلارىندا ورنالاستىرۋعا جول بەرىلمەيدى.
75. ورتالىقتىڭ قابىرعالارى مەن توبەلەرىنىڭ جابىنى دىبىس وتكىزبەيتىن ماتەريالداردان جاسالادى.
76. ديسپەتچەردىڭ ءبىر جۇمىس ورنىنىڭ اۋدانى كەمىندە 6 شارشى مەتردى (بۇدان ءارى – م²) قۇرايدى. وتىرىپ جۇمىس اتقارىلاتىن ورىندار, كوتەرىلەتىن – اينالمالى ورىندىقپەن جانە راتسيونالدى قۇراستىرىلعان اياق دەمەۋىشپەن, ەڭبەك سيپاتىنا قاراي – ارقالىعى بار ورىندىقپەن جانە دەمالۋعا ارنالعان ورىندىقپەن جابدىقتالادى.
77. ديسپەتچەرلەردىڭ جۇمىس ورىندارىنداعى ەلەكتروستاتيكالىق جانە ەلەكتروماگنيتتىك ورىستەردىڭ كەرنەۋلىگىنىڭ, راديوجيىلىك دياپازونىنىڭ ەلەكتروماگنيتتىك ساۋلەلەنۋىنىڭ شەكتى رۇقسات ەتىلگەن دەڭگەيى وسى سانيتاريالىق قاعيدالارعا 1-قوسىمشانىڭ 1, 2 جانە 3-كەستەلەرىنە سايكەس ايقىندالادى.
8. لوكوموتيۆ بريگادالارىنىڭ دەمالىس ءۇيىن كۇتىپ-ۇستاۋعا جانە پايدالانۋعا قويىلاتىن سانيتاريالىق-ەپيدەميولوگيالىق تالاپتار
78. لوكوموتيۆ بريگادالارىنىڭ دەمالىس ءۇيىنىڭ عيماراتىندا ماقساتى بويىنشا: جاتىن بولمەلەرى, تاماقتانۋ بولمەلەرى (اسحانا), كيىم ىلەتىن ورىن, كيىم-كەشەك قويماسى (قويما), سەبەزگى, ارنايى كيىمدى جانە اياق كيىمدى كەپتىرۋگە ارنالعان ءۇي-جاي, سانيتاريالىق توراپتار كوزدەلەدى.
79. جاتىن بولمەلەرىنىڭ اۋدانى ءبىر ادامعا كەمىندە 6 م² بولىپ كوزدەلەدى.
80. كيىم-كەشەك قويماسى (قويما) شكافتارمەن نەمەسە ستەللاجدارمەن جابدىقتالعان تازا جانە لاس كيىم-كەشەكتەردى بولەك ساقتاۋعا ارنالعان ءۇي-جايلاردى قامتيدى. توسەك جابدىقتارى: جاستىقتار, ماتراستار, كورپەلەر جانە جاپقىشتار جىلىنا ءبىر رەتتەن كەم ەمەس كامەرالىق جولمەن دەزينفەكتسيالانادى, توسەك جايمالار – ءار قولدانىلعاننان كەيىن, جاپقىشتار – كەمىندە ايىنا 1 رەت, جاستىق جانە ماتراس تىستارى جىلىنا كەمىندە 1 رەت جۋىلادى.
9. اۆتوكولىك كاسىپورىندارىن, تەحنيكالىق قىزمەت كورسەتۋ ستانتسيالارىن, اۆتوموبيل جانار ماي قۇيۋ جانە اۆتو-گاز قۇيۋ ستانتسيالارىن كۇ